remissiya

Xəstəliyin əlamətlərinin azalması və ya tamamilə itməsi remissiya adlanır. Bu termin həmçinin azalma və ya itmənin baş verdiyi dövrü adlandırmaq üçün də istifadə olunur.

Qismən və ya tam remissiya ola bilər. Qismən remissiya termini fərqli xəstəlik tipləri üçün fərli mənalara gələ bilər. Məsələn xərçəng xəstəliyində qismən remissiya müayinə zamanı şişin ölçülərinin 50% və ya daha çox azalmasının aşkar olunmasına deyilir.

Tam remissiya xəstəliyin əlamətlərinin tamamilə itdiyi mənasına gəlir. Tam remissiya əldə olunan xəstə “sağalmış” sayıla bilər. Lakin həkimlər “xəstəliyin qayıtması” ehtimalına qarşı adətən ehtiyatla “xəstəliyə dair heç bir sübut yoxdur” deyirlər.